Tapa hūrere pakipaki hau!
Wahieroa i te rangi Whatu Māreikura!
Pāoreore o te rangi!
Te mana o Tāwhaki, ka hiwahiwa te rangi!
Ngāteriteri te rangi! Ko te mireirei o Pukeatua, o Pukeariki, o Pukeahu, o Taranaki Mounga!
Atokengia ai te hauhunga kei ngā hiwi tū kau aro atu i te maiho o ngā whauoro o te kō.
Pupū ake te puia o ngā maunga ihoiho, te hāhā o te wai ariki.
Ngengere mai rā te Ika Roa! Rīraparapa ana ōna unahi!
Kua hinga te pēperekōu, te tāiki ngāpara, te Taniwhā Hikuroa, te matauraura o Taranaki Whānui.
A visionary leaves behind a trail of inspiration for others to follow.